幾段情歌 - 如果我們不再見 《恨那日那天 不肯心軟》

如果我們不再見

原唱：鄭秀文 作詞：黃偉文 作曲：黃丹儀

現代好多感情都顯得格外淺薄，人與人之間動輒因為一啲零碎爭執、微不足道嘅小矛盾就輕易分開，緣份來得快去得更快，散場都顯得隨便又平淡。但世間總有另一種遺憾，兩個人明明性格極度契合，相處嘅節奏、彼此嘅默契都無人能夠替代，旁人眼中一對最相配嘅人，偏偏冇發生過嚴重嘅爭吵，亦都冇無法化解嘅矛盾，僅僅源於一時嘅誤會、一剎那嘅意氣用事，就硬生生斷開彼此嘅聯繫。而呢一種明明好夾、卻無故走散嘅關係，先最令人難以釋懷，事後無論幾後悔、幾想念，都明白一切已經無法挽回，只能任由遺憾停留喺歲月裡，慢慢學會坦然接受呢個既定結局。重聽鄭秀文呢首《如果我們不再見》，先發現呢首歌描繪嘅從不是熱戀爭吵嘅分開，而係一場明知適合、卻永遠冇法修補嘅無奈別離。

假使你與我 不該再見面

幸福這麼遠 大可不眷戀

不管再愛哪個 都很快厭倦

獨對舊照片 貪之不厭

關係結束之後，理智總會不斷自我催眠，話俾自己聽兩個人本就不該過度牽扯，與其執著過往，不如放下眷戀各自前行。可正因為曾經過於契合，先導致往後遇見嘅所有人都顯得平平無奇，旁人再好，都帶唔到同樣嘅感覺，無論同邊個相處，都好容易感到厭倦同乏味。一個人靜落嚟嘅時候，總會不自覺翻起手機入面既舊相片，沉浸喺從前相處嘅片段之中，明明已經成為過去，卻依舊執著於不願抽離，呢份執念，係對那段契合關係最執著嘅留念。

別人亦很好 別人亦都很愛我

其實暗地 一直怪他不似你

每晚唉聲嘆氣 夢裡看不見你

身邊從來唔缺溫柔體貼嘅陪伴，外界亦總會勸人及時放下、重新開始，但只有親身經歷過先會明白，適合嘅人並非隨便就能遇見。後來出現嘅人縱然百般美好，卻永遠填補唔到心底嗰個空位，比較從來唔係故意，而係曾經嘅契合太過難得，任何人都無法复刻同款感覺。好多情緒只可以獨自收埋，深夜裡反覆回想當初，如果當時能夠少一份倔強，結果會唔會截然不同，可惜時間無法倒流，錯過嘅人，有時連夢裡都難以再相見。

如何能 和你就此不相見

有時 還會恨

然後我有我生活

然後你再愛別人

明明深知兩個人最為相配，最後卻要被迫接受從此陌路嘅結局，呢種無力，遠遠痛過普通嘅分離。平靜度日嘅日子裡，偶爾滋生嘅恨意，從來都唔係憎恨對方，而係怨恨當初無謂嘅傲氣，怨恨一場無關緊要嘅誤會，拆散咗最夾嘅兩個人。時間強行推住彼此向前行，各自奔赴唔同嘅生活軌跡，慢慢認識新嘅人、開展新嘅故事，曾經最親密嘅關係，最終都變成互不干涉嘅兩條平行線。

如何能 和你認了不相襯

有時 仍不忿

如若要愛你 是這樣靠天分

這世上除了我 誰能愛你

除了共你 可與誰熱吻

旁人總會隨意斷定兩個人並不相襯，只有身在其中先清楚，彼此嘅契合係與生俱來嘅緣分。呢一份獨特嘅默契、互相理解嘅通透，並非人人都能夠擁有，所以心底先會留存揮之不去嘅不忿。明明係最懂得彼此嘅人，最後卻要潦草散場，明知無人能夠替代呢段感情，卻只能眼睜睜看著關係終止，呢種清醒嘅無力，成為心底最難癒合嘅一道傷口。

得不到那個 一般最掛念

或許這麼說 大家好過點

只恐怕你與我 終於也發現

恨那日那天 不肯心軟

人永遠都係後知後覺，擁有嘅時候忽略身邊嘅美好，失去之後先懂得後悔。選擇不再相見，只係成年人面對無法挽回嘅結局，唯一能夠做到嘅體面。當熱情褪去、情緒平靜，先徹底看清真相，兩個人從來都冇根本性嘅不合，所有遺憾只係源於那日一時嘅倔強，一聲唔願低頭、一次唔肯心軟，就將最夾嘅兩個人永久分開。世間最可惜嘅從來唔係兩個人唔適合，而係明明絕配，卻因為一時任性，錯過咗彼此，到最後先明白，呢段關係從一開始，就已經冇任何挽回嘅可能，只能夠帶住遺憾，靜靜接受呢個無可奈何嘅結局。

歌曲試聽連結：https://youtu.be/3BHjwUDczPI?si=0p7g9ayw81EsCnDm

----------------------------------------------------------------------------------------------------------------

本欄旨在分享一些新舊中文情歌，並分享作者的感想。讓大家重新加深了解歌詞之意。勾起聽好歌興趣。