幾段情歌 - 摯友《你明知道我不會等到，卻放任我等》

摯友

原唱：A‑Lin 黃麗玲 作詞：葛大為 作曲：周興哲

好多人聽《摯友》，習慣將故事簡化成女方癡心等待、男方刻意曖昧，甚至將男方塑造成有心計嘅角色。但沉落去細味會發現，呢段關係或者唔係單方面嘅算計，而係成年人之間一場心照不宣嘅互相掩飾。女方自始至終都極度清醒，清楚知道自己永遠等唔到戀人嘅結局，只係選擇用摯友嘅關係作為保護殼，繼續留住彼此嘅陪伴；而男方並非存心利用，更多係迷茫同軟弱，睇穿一切卻唔忍心亦唔敢做決定，唯有放任呢段關係維持現狀。A‑Lin 用沉鬱克制嘅唱腔，將曖昧裡嘅無奈與掙扎，描繪得真實而動人。

想當星辰 卻像路燈

若愛一個人 切忌愛得太深

酒後傳的訊息 你別當真

我總感情用事 忘了不可能

也委屈你 長期容忍

但我們之間 該用什麼相稱

女方心底固然渴望成為對方生命裡獨一無二嘅星辰，成為名正言順嘅愛人，但理智一早話佢知，呢個願望根本唔可能實現。佢明白愛得太深只會令自己更加難抽身，就連酒後真情流露嘅心意，事後都要慌忙掩飾，將真心包裝成一時衝動。

佢口中所講嘅「委屈你長期容忍」，並唔係真正嘅抱歉，只係佢為自己爭取留下嘅藉口。明知做唔到戀人，卻唔願意失去眼前嘅陪伴，於是退守摯友嘅位置，用呢段安全嘅關係，掩飾住自己清醒嘅執念。

我們不討論的關係 很接近卻不是愛情

擁有無數交集 要丟棄太可惜

我演的恨 真不誠懇

你最清楚我是怎樣的人

兩個人刻意避開關係嘅本質，正正係雙方嘅默契。女方有時會刻意偽裝冷漠與厭惡，試圖掩飾自己唔願放手嘅心態，而男方一眼就能看穿佢嘅口是心非。

女方清楚呢段關係嘅界限，亦清楚自己嘅結局，只係唔捨得放下；而男方同樣清楚一切，卻唔忍心狠心斷絕，又唔敢往前一步確認關係，只能任由呢段不上不下嘅關係僵持落去。

沒人不羨慕的關係 只是沒結局的續集

為什麼太熟悉 反而變成距離

觸不到的戀人 化身摯友也像搪塞

你明知道我不會等到 卻放任我等

呢一句係成首歌嘅靈魂，亦係整段關係最赤裸嘅真相。

女方將自己由觸不到嘅戀人，降級成為摯友，其實只係一種自我搪塞，佢內心極其清醒，明白呢份等待永遠唔會有結果。而男方睇透咗女方所有嘅掙扎，佢並非存心折磨，只係面對呢段複雜嘅關係感到迷茫，唔知該如何收尾，於是不知不覺間，就咁放任女方繼續以摯友之名，留在原地。

你正全心 對待的人

輾轉找到我 勸我別再傷神

其實我真不想一一詢問

從此默不出聲 是我的責任

呢段歌詞，係成段關係最諷刺亦最現實嘅一筆。

男方已經有咗正在用心經營嘅另一半，而呢位新女友甚至主動找到女主角，好心勸佢唔好再執迷落去。

外人都睇得清清楚楚，唯有女主角選擇繼續睜一隻眼閉一隻眼，不追問、不質疑，寧願將所有委屈收埋心底，用沉默守住呢段虛幻嘅摯友關係。呢份體面，其實只係佢最後嘅堅持。

我們不說破的關係 很微妙卻不是愛情

容許這種維繫 是我不夠爭氣

一再追問何其愚笨

我也清楚你是怎樣的人

蕩氣迴腸 又能如何 我最不應該

還害你受困 進退不得

連新女友都出面提醒，女主角依然唔願意醒覺。佢清楚自己嘅堅持毫無意義，亦明白男方夾在中間進退兩難，但仍然選擇放任自己沉溺喺呢段關係之中。呢份不爭氣，唔係天真，而係清醒之後嘅不捨。

難道非要我愛其他的人

你才心安理得 卸下了責任

到最後先會發現，男方嘅放任，更多係一種逃避同不知所措。佢唔願諗開始，亦唔願意失去呢份難得嘅默契與陪伴，唯有等到女方搵到新嘅歸屬，先可以心安理得維持住朋友嘅關係，一段平衡而公平既相處。

女方從來唔係天真嘅等待者，佢清楚結局，只係選擇自欺；

而男方亦唔係邪惡嘅一方，只係有啲貪心同軟弱。

歌曲試聽連結：https://youtu.be/vGqpGFH3vh8?si=A1aimc71kynwzB7q

----------------------------------------------------------------------------------------------------------------

本欄旨在分享一些新舊中文情歌，並分享作者的感想。讓大家重新加深了解歌詞之意。勾起聽好歌興趣。