感欣的生活隨筆 - 忽略了的溫柔

人說女性是感性動物，情緒起伏會比男性的多， 女性每個月都會有幾天大大小小感性上的起伏，怎樣與異性開心相處呢?

有時教青少年的學生商業上的魔術用語時，也會跟他們說笑，搵男女朋友當中的魔術語是什麼? 男的要多說『唔…你今日有啲唔同咗，係靚咗同溫柔咗！』；而女嘅要多向心儀目標的男士說『你好叻呀，點解嘅？』『你好Man呀！』等等.....你是否覺得當你要搵對象嘅時候你是特別溫柔?

人大了，有了伴， 要衝事業時或有了小朋友後， 生活環境迫使你沒法可再有溫柔的表現。當你屋企有隻飛曱甴飛來飛去又有2個細路更而沒有男丁的時候，你的威猛就來了， 不顧形象不惜一切誓要隻曱甴死為止才安心。

有時候，小朋友唔聽話成績又差，簡直激到自己跳上天花板嘅時候，虎媽不斷咆哮的樣子是很自然的表露無遺，你老公更會退避三分。更甚係你老公唔識換燈膽唔識整電器又唔做家務嘅時候，你根本講唔出『你好叻呀，點解嘅？』當刻你只想鬧爆佢個頭，又何來溫柔可言呢?

朋友們啊！你要記住當你牛記笠記著平底鞋湊仔嘅時候，有無諗過你老公係公司度可能有個靚女係pantry幫佢沖杯靚咖啡噓寒問暖，你有否危機意識呢?

溫柔是當你平心靜氣安撫了自己的情緒才可有發揮的力量去溫柔他人。每日給自己一點Me Time去安靜下來，保持心情開朗。微笑是溫柔及建立關係的開端，多點微笑，你會漸漸發現有所改變。

當我有時教幼稚園小朋友時， 我會微笑輕鬆的遂個問:『Are you happy today? Yes! Give Me Five！』。

____________________________________________________________________

筆者：感欣

用感覺去欣賞世界，我們也時常感恩有你同行

快速消費品商業顧問

教育斜槓族：大學講師，幼稚園中小學課外活動老師，監考員，秘密調查員等等.....

讀者意見： joa238@hotmail.com